Ils 8 da matg: Cumpariziun digl arzaunghel Mihel
Ils 8 da matg: Cumpariziun digl arzaunghel Mihel
Sil di dad oz festivescha la sontga Baselgia il survetsch digl arzaunghel Mihel per memoria e per engraziament che Diu ha pliras ga schau cumparer quei celestial prenci veseivlamein en figura humana. Tras el ha Diu cumpartiu biaras grazias ton en particular sco en general a l’entira sontga Baselgia, dalla quala sogn Mihel vegn tenius e veneraus per in special patrun e protectur. Biaras baselgias ein vegnidas construidas pil mund entuorn en honur e memoria da sogn Mihel. Oz vegn fatg en special memoria da quei grazius tempel ch’ei sin camond da sogn Mihel vegnius baghegiaus sil cuolm Gargano el reginavel da Napoli, damaneivel dil marcau Manfredonia. Quei survetsch divin vegn celebraus ozildi, per che mintga cristifideivel seregordi da purtar devoziun tier sogn Mihel ch’ei in pussent defensur encunter tuts inimitgs, veseivels sco nunveseivels, en veta sco en mort. Il present dueigi survir per sia legenda.
Sil di dad oz festivescha la sontga Baselgia il survetsch digl arzaunghel Mihel per memoria e per engraziament che Diu ha pliras ga schau cumparer quei celestial prenci veseivlamein en figura humana. Tras el ha Diu cumpartiu biaras grazias ton en particular sco en general a l’entira sontga Baselgia, dalla quala sogn Mihel vegn tenius e veneraus per in special patrun e protectur. Biaras baselgias ein vegnidas construidas pil mund entuorn en honur e memoria da sogn Mihel. Oz vegn fatg en special memoria da quei grazius tempel ch’ei sin camond da sogn Mihel vegnius baghegiaus sil cuolm Gargano el reginavel da Napoli, damaneivel dil marcau Manfredonia. Quei survetsch divin vegn celebraus ozildi, per che mintga cristifideivel seregordi da purtar devoziun tier sogn Mihel ch’ei in pussent defensur encunter tuts inimitgs, veseivels sco nunveseivels, en veta sco en mort. Il present dueigi survir per sia legenda.